Nagaland : Governor-in Academic Staff College leh Health Science facility hawng

Nagaland governor Nand Kishore Yadav chuan Inrinni khan, International University, Nagaland-ah Academic Staff College leh Naturopathy, Physiotherapy leh Medical Laboratory Science facility thar a hawng a, hei hi state-a higher education leh healthcare thuam chakna tur a ni.

Hawnna programme-a thu a sawiah, Governor chuan University chu kum 2006-a din a nih aṭangin thil thar hmuh chhuahna, khawtlang mawhphurhna leh chenna leilung enkawlna hmunpuiah a chang chho tih a sawi. Academic Staff College chu higher education quality tihchakna atana pawimawh tak a nih thu leh, university chu zirtirtu quality-ah a innghat tih a sawi. Institution chuan professional development, pedagogical research leh zirna ṭha kalpui zel a tum thu leh, zirlaite chu hma hun siamṭha tura an pawimawh thu a sawi.

Yadav chuan University chuan traditional wellness system, naturopathy leh physiotherapy-te chu medical laboratory science changtlung tak nen hlawhtling taka thlunzawm a ni tih a sawi. Academic training tihchak bakah facility leh a chhehvel khawtlang mipui tan diagnostic center atan a hman theih dawn a ni.

Governor chuan University chu international standard-ah a ṭhanglian thei tih a lantir avangin a fak bawk. Zirlaite chu kutkawih eizawnna (entrepreneurship), thil thar hmuh chhuah uar turin a fuih a, faculty member-te pawh research leh zirtirna tihhmasawnna atan Academic Staff College chu hmang ṭangkai turin a chah bawk.