Meghalaya : CM-in Meghalaya House-te hmasawnna thlirlet

Meghalaya chief minister Conrad K. Sangma chuan Thawhlehni khan ram puma Meghalaya House project kalpui mek hmasawnna a thlirlet a; a hun taka zawh fel, enkawl ṭhat leh facility thuam chak a pawimawh thu a sawi. Ram chhung state hrang hrangah Meghalaya mipuiten an hman theih tur Meghalaya House hi din a ni.

General Administration Department (GAD) enkawltu, minister leh senior official-te nena virtual meeting an neihah, Chief Minister chuan Delhi, Noida, Mumbai, Bengaluru, Vellore leh Kolkata-a Meghalaya House sak mekte dinhmun a zirchiang a ni. He meeting-ah hian infrastructure hmasawnna, service pek chhuah dan leh facility awmsate kalpui dan a endik bawk. CM Sangma chuan official-te chu a hun taka project zo fel turin a chah.

Meeting-ah hian Meghalaya House-te enkawl dan tihchakna tur sawi ho a ni a; zirlai, damlo, sorkar official-te leh mipuiten an chhawr ṭangkai theih dan tur ngaihtuah ho a ni bawk. Kumin kum tir lam khan state sorkar chuan Meghalaya House online booking system a lo siam tawh a, hemi hmang hian reservation leh payment chu digital-a kalpui niin, mipui tan pawh a awlsam phah hle a ni.