Sikkim : CM-in state budget pharh

Sikkim chief minister Prem Singh Tamang chuan nimin Thawhṭanni khan, Sikkim Legislative Assembly vawi 11-na Session lina (Part II) - Budget Session neihah financial year 2026-27 atana state budget a pharh.

Chief Minister chuan budget hi state hmalam hun atana roadmap pawimawh a nih thu leh, mitin huap ṭhanlenna, hmasawnna ngelnghet leh inrelbawlna ṭha ngaih pawimawh a ni, a ti. Budget-ah hian financial year 2026-27 atana sum hman tur chu Rs vbc 16,196 ruahman a ni a; infrastructure, social welfare, hmasawnna leh sorkar laipui sponsored scheme-a hman tura ruahman a ni. Tamang chuan sorkarin ṭhalaite tana remchang siam, loneitu leh thingtlang mite eizawnna tihchangtlun, infrastructure huang zauh leh public service pekchhuah kawnga hmalakte an ni.

Budget hian sorkarin mawhphurhna sang tak neia sum leh pai enkawl a tumna a lantir a, chutih rualin sector hrang hranga hmasawnna intluktlang leh ngelnghet taka kalpui a tum thu CM chuan a sawi. Sorkar laipuiin a thlawp chhunzawm zel tur thu leh, hun rei tak daih state hmasawnna a thlen ngei a beisei thu a sawi bawk. July 22 hian department hrang hrang tana sum dahte puan a ni dawn a, July 23 Ningani hian final sitting neih a ni ang.