Nagaland: Governor-in tribal development programme endik

Nagaland khawpui Kohima-a Lok Bhavan-a Tribal Affairs department programme kalpui mek hlawhtlinna leh hma hun atana ruahmanna siamte chu governor Nand Kishore Yadav chuan a endik a; tribal development scheme-te ṭha taka kalpui a, infrastructure project a hun taka zawh fel a nih theihna turin resource awm sate ṭangkai taka hman a pawimawh tih a sawi.

Project thawhte uluk taka en thlithlai, langtlang leh stakeholder-te inkara thawh hona ṭha a awm a ṭul thu leh, chu chuan state puma tribal community-ah hmasawnna ngelnghet a thlen dawn tih a sawi bawk.

Meeting-ah hian department chuan programme kalpui dan, scheme lian tham leh state puma kalpui dan kimchang presentation an nei a ni. Official-te chuan budget hman dan, Article 275(1) hnuaia hmasawnna, Development Action-Janjatiya Unnat Gram Abhiyan (DA-JGUA), Pradhan Mantri Adi Adarsh Gram Yojana (PMAAGY) leh community hrang hranga infrastructure project in tribal huam chhunga hamṭhatna a thlen dante an sawilang bawk.

Yadav chuan project thawh zawh tawhte leh thawh mekte a endik a, Eklavya Model Residential Schools (EMRS) sak mek hmasawnna a thlirlet bawk.