Manipur: CM-in startup scheme thlirlet

Manipur chief minister Yumnam Khemchand Singh chuan, nimin July 10 khan Manipur Startup Scheme a thlir let a, state sorkarin ṭhalaite tana thil thar hmuh chhuah, kutkawih eizawnna (entrepreneurship), leh mahni intundinna tur a ngai pawimawh tih a sawi.

He thu hi a social media X-ah tarlangin, Chief Minister chuan Planning Department bakah Special secretary (Planning) Neilenthang Teilen-ten scheme kalpui dan Secretariat-a presentation an neih pawh a ngaithla tih a tarlang.

Chief Minister chuan Manipur Startup Scheme chuan entrepreneur-te chu Idea stage leh Revenue Stage-ah a pui tih sawiin, Chief Minister’s Entrepreneurship Support Scheme (CMESS) chuan sum lama puihna a pek bakah, startup ṭhanlenna turin hma a la tih a sawi bawk. He hmalakna hian state-a startup ecosystem a thuam chak a, thil thar hmuh chhuah leh eizawnna kawngah nasa takin a pui tih a sawi bawk.