Meghalaya : Cabinet-in Orchid Resort five-star a siam pawm

Meghalaya cabinet chuan tourism infrastructure thuam chakna turin, July 8 khan New Shillong-a Mawkasiang-a Orchid Resort five-star resort a siamna tur a pawm.

Chief minister Conrad K Sangma chuan lease siamṭhat chu tourism project hrang hranga state-in policy a kalpui dan nen a inmil tih a sawi. He thutlukna hnuaiah hian developer chuan one-time deposit Rs vbc 5 a nei dawn a, Meghalaya Tourism Development Corporation (MTDC)-ah kum khata a sum lak luh 4% a chhung lut dawn a ni.

Chief Minister chuan he thutlukna hian mimal investment a tihchak a beisei thu leh, tourism infrastructure tihchangtlun bakah hnathawhna kawng a hawng dawn tih a sawi. Cabinet chuan Jal Jeevan Mission kalpui dan a thlirlet bawk a, a thawh hnihna Jal Jeevan 2.0 kalpuina tura inbuatsaihna an endik bawk.

Hemi chungchangah hian CM Sangma chuan, Public Health Engineering (PHE) department leh Jal Jeevan Mission team chu report kimchang siam turin a hrilh tawh bawk a ni.