Nagaland : AI-digital agriculture ecosystem tlangzarh

Nagaland-a lo neih sector tihhmasawnna atan, Agriculture department chuan Thawhlehni khan Unified Digital Agriculture Ecosystem a tlangzarh. He ecosystem hi digital platform huang zauhna niin, supply chain-a harsatna awm ṭhin tihtawp, langtlang zawka kalpui leh, state puma loneitute hnena lo neih lama thiamna pek chhuahna tura duan a ni a, hmun hla leh tlawh pawh harsaa chengte pawh a huam a ni.

Project hi MLA leh Agriculture advisor Mhathung Yanthan chuan Kohima-a Directorate of Agriculture-ah a hawng a, he hunah hian Agriculture director Sanuzo Nienu leh senior official-te an tel. Agriculture Production Commissioner chuan he hmalakna hi state-a lo neih sector thlak danglamna tur a ni tih a sawi.

He ecosystem tharah hian cutting-edge feature tam tak awmin, chung zingah chuan AI hmanga market lama thiamna neih theih tur pawh a tel. Hei hian loneitute chu thlai chin tur leh man sang zawka hralh theihna hmun hriat theihna a pe dawn a ni. He platform-ah hian AI advisory bot, “Kheti Manu” tih awmin, hei hian tualchhung ṭawng hmangin kaihhruaina leh puihbawmna a pe dawn bawk a ni.