Nagaland sorkar leh T-Works-in MoU ziak

Nagaland sorkar chuan World MSME Day, Zirtawpni khan Hyderabad-a T-Works nen an state-a enterprise thuam chakna tura thawh dunna thuthlung, Memorandum of Understanding (MoU) an ziak. He inremna hi T-Works CEO Joginder Tanikella leh, Nagaland Industries & Commerce Department director P Tokugha Sema ten Industries & Commerce Department adviser, Hekani Jakhalu hriatpuinain Kohima-a Directorate of Industries and Commerce-ah an ziak a ni.

World MSME Day-ah hian entrepreneur, policymaker, industry aiawhte leh stakeholder-te chuan directorate-ah hun an hmang a; thil thar hmuh chhuah, eizawnna huang zauh leh economy tihhmasawnna tura MSME pawimawhnate an sawi. He hun hmana khuallian Jakhalu chuan state hmun hrang hranga economy ṭhanlenna tura MSME hnathawh ṭhatte a fak bawk. Jakhalu chuan T-Works nen MoU an ziah chu Naga MSME-te thlawp tura state sorkarin top expert-te chawikan a tumna a ni, a ti.

Industries & Commerce Department deputy secretary, Chonpenthung Ezung chuan sorkar thlawp brand framework siam tum a nih thu leh, hei hian authentic, natural, leh state-a thil siam chhuahte a pholang dawn a ni, a ti. He hmalakna hi thil siam zawrh chhuah mai ni loin, MSME self-help group, kut hnathawktute, leh cooperative-te chu unified identity hnuaia entrepreneur-te thuam chakna tur a nih thu a sawi bawk a, tualchhung thil siam chhuahte chu brand hriat hlawh takah chantir a, ramchhung leh ram pawna thawn chhuah kawngah a pui dawn tih a sawi bawk.