Sikkim : Tourism department-in e-office system tlangzarh

Sikkim Tourism and Civil Aviation department chuan e-office web application tlangzarhin, he hmalakna hi office hnathawh digital-a kalpui, langtlang leh rintlak zawka inrelbawlna kalpuina tura duan a ni.

Platform hi Nilaini khan tourism and civil aviation minister, Tshering T Bhutia chuan hawngin, he hmalakna hi chief minister Prem Singh Tamang kaihhruaina hnuaia ruahman a nih thu leh, public service harsatna tawk loa kalpui a nih theihna tur a ni, a ti. Hawnna inkhawma thu a sawiah, Bhutia chuan e-office system chuan document-te scan a niha portal-a upload a nih hnuah a thlithlai zui dawn tih a sawi. Department-in digital hmanga inrelbawlna tihchakna tura a inpekna leh, state-a public administration-a digital hman uar zelna a nih thu Minister chuan a sawi bawk.

Bhutia chuan platform hian district tourism office-te leh department headquarters-te a thlunzawm dawn a, thawh hona a thuam chak dawn bakah, rang zawka hna thawh a nih theihna turin a pui dawn tih a tarlang. Hei bakah state hmun hrang hranga tourism information centre-ah hman theih thuai a nih dawn thu a sawi bawk. Official-te chuan e-office application chuan paperwork a titlem dawn a, hnathawh a tichak dawn tih an sawi.

He hmalakna hi state sorkarin sorkar inrelbawlna technology hmanga thuam chak a tumna leh, tourism sector-a mipui leh stakeholder-te tana service delivery chak zawka kalpuina atana a ruahman a ni bawk a ni.