Sikkim : CM-in SIR form theh lut

Sikkim chief minister Prem Singh Tamang chuan Thawhṭanni, June 22 khan a pianna Soreng district-a Special Intensive Revision (SIR) kalpui mek hnuaiah enumeration form a theh lut a, state puma mipuite chu hun bituk chhunga form theh lut turin a chah bawk. Chief Minister chuan Block Level supervisor Jas Bahadur Tamang leh Booth Level officer Semi Hang Limboo leh Deepson Tamang-te hriatpuinain form hi a theh lut a ni.

He thu hi a social media-ah tarlangin, Tamang chuan SIR form a theh luh tawh thu leh, mipuite chu a hun taka form theh lut turin a ngen a, electoral record dik tak siam kawngah mipui tel ṭhat a pawimawh thu a sawi. He hmalaknaa tel hian record-te dik taka siamṭhat a nih theihna turin a pui dawn a, democratic system a tichak bawk dawn a ni, a ti.

State election thuneitute chuan door-to-door enumeration chu June 28 hian an zo fel dawn a, District Election Officer (DEO) pawhin uluk taka a thlithlai bakah BLO-te chu an hnathawhna station-ah a tlawh bawk. Official-te chuan Booth Level Officers (BLOs) te chuan enumeration form sem chhuah an zo fel dawn tawh thu leh, Namchi-ah 100% sem a ni tawh a, Gangtok-ah 99.63% sem chhuah a ni tawh tih an tarlang.