Tripura : Yaba tablet 9,500 man thubuaiah mi 3 kum 20 tang turin hrem

Tripura-a Sepahijala District-a Sonamura sub-divisional court chuan, kum 2024-a yaba tablet 9,500 an man thubuaia thiam loh chantir pathum chu kum 20 chhung lung ina tang turin a hrem. Hemi chungchanga thuthar lakhawmtute a kawm naah, advocate pakhat chuan, special judge Sanjay Bhattacharya, NDPS, Sonamura sub-division, Sepahijala District chuan Jatrapur Police Station-a thubuai hi a ngaihtuah thu leh, nimin khan thupek hi a tichhuak tih a sawi.

Kum 2024 September 10-a police station officer-in-charge in Sonamura aṭanga Kathalia huam chhung lam pan ruihhlo leh a kaihhnawih phur lirthei a tlan tih report a dawn chu bawh zui niin, OC hian staff dangte nen he lirthei hi lo ti dingin, motor an dap naah hian yaba tablet 9,500 man a ni a; driver Madai Shil bakah Manik Mia leh Prasanta Roy te nen man nghal niin, an vai hian South Tripura District hnuaia Belonia-a cheng an ni.

Hemi chungchangah hian advocate chuan OC Subrata Debnath-a'n thubuai a theh lut tih sawiin, inspector Arup Debbarma chuan chhuizuina a neih hnuah, court-ah charge sheet a theh lut tih a sawi bawk. Hearing neihnaah witness 19 awmin, pawikhawihtute chu kum 20 chhung lung in tan bakah, Rs nuai 1 chawi tura tih an ni bawk.