Sikkim : Teesta luia motor chesualah mi 4 thi

Sikkim-a National Highway-10-a Teesta luia chhungkua lirtheia chesualte ruang zawn hna agency hrang hrangin an thawh hnuah, nimin June 7 khan an ruang hmuh an ni. He chetsualnaa thite hi Smarika Neopaney (28), Shaibya Neopaney (27), Jika Dahal (27) leh naupang kum nga mi Ditya Chettri-te an ni a, an vai hian nimin zing khan motor chhungah hmuh an ni.

An chhungkua hi East Sikkim-a Kabi Lungchok-a Lingdok-a cheng an ni a, June 5 khan damdawi lama inenkawl turin Siliguri an pan a ni. An chhungkua hi NH-1- a Rambi huam chhungah tlai lam dar 3:30 leh dar 4:30 hnu lamah biak chhunzawm theih an ni ta lo a, an chhung hnaivaite chuan June 6 khan an awmna chin hriat an nih loh thu an report a ni. Hemi hnu hian tualchhung hruaitute leh thuneitute thawk ho chuan Darjeeling MP Raju Bista leh social worker, Vikram Rai-te puihnain zawn hna an thawk.

National Disaster Response Force (NDRF), Sikkim Disaster Response Force (SDRF), West Bengal police, West Bengal traffic police, Teesta River Rescue Team leh tualchhung volunteer-te chuan highway leh luiah zawn beihpui thlakin lirthei part-te chu helai kawng dungah hian hmu chhuakin,Teesta luiah an tla tih an hrechhuak a ni.