Team Europe-in Assam tlawh dawn

European Union (EU)-a high-level "Team Europe" palaite chuan vawiin June 8 leh 9 hian Assam an tlawh dawn a, Europe leh India hmarchhak bial inkara thawh hona kawng hrang hrang an dap dawn bakah, economy lama inzawmna tihchak dan tur sawi ho a ni ang.

EU member ram ambasador-te leh senior representative-te bakah, European business hruaitute chuan Assam leh Europe-in ​​thawh hona an neih theihna tur sector hrang hrang an sawi ho dawn a, chung zingah chuan renewable energy, sustainable urban infrastructure, healthcare leh pharmaceutical, semiconductor leh electronic siamna, thingpuife leh agri-food processing, flavour leh fragrance bakah AYUSH-te pawh an tel.

India leh Bhutan-a EU ambassador Hervé Delphin kaihhruaina hnuaiah Assam sorkar leh business stakeholder-te chuan inbiakna an nei dawn a, sumdawnna leh investment kawnga hmalak dan tur an sawi ho ang. Team Europe ambassador-te hian chief minister Himanta Biswa Sarma an hmu dawn a, Federation of European Business in India (FEBI) kaihhruai European business aiawhte chuan state official-te leh industry aiawhte an hmu bawk ang.

June 9-ah "Blue Valleys: Building Ecosystems and Value Chains between India and Europe" workshop buatsaih a ni dawn a, he hunah hian Europe leh India-a sumdawnna enkawltute chuan industry ngelnghet, thil thar hmuh chhuah leh hmasawnna tur chungchang an sawi ho ang. Assam-a a hmasa ber atan Blue Valley Cluster pawh hawn a ni dawn bawk. Palaite hian Assam-a Tata Electronics semiconductor facility an tlawh nghal dawn a ni.