Nagaland : MSME-in economy-a harsatna 80% a sukiang thei: Advisor Hekani Jakhalu

Nagaland-a Industries and Commerce advisor, Hekani Jakhalu chuan May 27 khan, micro, small and mesium enterprises (MSMEs) thuam chak leh sumdawnna community chawikan chuan state-ah hun rei tak daih economy ṭhanlenna leh hna siam kawngah a pui thei tih a sawi.

UNNATI 2024 Scheme leh PM Vishwakarma chungchanga interactive session, Department of Industries and Commerce-in an buatsaihah, Jakhalu chuan MSME chak zawka kalpui a nih chuan state-a economy lama harsatna awm 70-80% vel a sukiang thei dawn tih a sawi. Hemi chungchangah hian state legislator-te chu sorkar scheme hrang hrang thehdarh kawngah awareness nasa zawka nei turin a ngen.

Raising and Accelerating MSME Performance (RAMP) scheme pawh sawilangin, Jakhalu chuan official-ten state hmun hrang hrang tlawh kualin awareness an neih bakah, entrepreneur-te hmuh chhuah an nih thu an sawi. MSME hnuaia hma hun nei ṭha leh thawkrim mi 750-te chu he hmalakna hnuaiah hian enkawl zui an ni dawn tih a sawi bawk.

Prime Minister Formalisation of Micro Food Processing Enterprises (PMFME) scheme hnuaia food processing sector tihchangtlung pawimawhna a sawi bawk a, he sector hian ṭhalaite leh entrepreneur-te tan hnathawh tur a siam sak dawn tih a tarlang.