President Murmu-i'n Sikkim a tlawh

President Droupadi Murmu chuan Thawhlehni khan ni thum cham turin Sikkim khawpui, Gangtok-a thleng a, governor Om Prakash Mathur, chief minister Prem Sing Tamang leh mi dang eng emaw zatin an lo hmuak.

President hian a thlen ni hian Swarna Jyanti Maitreya Manjari Complex-a Ridge Park Orchidarium a tlawh a, Orchidarium-ah hian orchid species chi hrang hrang dah a ni. President hi Sikkim hmun hrang hranga orchid chi hrang lakkhawm 507 chu entir a ni. Murmu hian Namgyal Institute of Tibetology (NIT) pawh tlawhin, institute huam chhung a tlawh bakah artwork, thil hlui dah ṭhat leh thuziak hluite a en. President hi institute official-te leh aiawhte nen inbiakna an nei bawk.

Murmu hian nimin Nilaini khan Nathu-la tlawhin, Gangtok-a Sikkim University convocation vawi sarihna a hmanpui. University chuan convocation-ah hian department 33 - school of studies paruk leh university hnuaia college 18-te hnenah college degree 13,782 chu UG, PG, Phil leh PhD programme-a hlawhtlingte hnenah sem chhuah a ni tih an sawi.

Vawiin Ningani hian president Murmu chuan Sikkim Police hnenah President of India's Police Colour (Nishaan) a hlan dawn a, he hun hi Gangtok-a Paljor Stadium-ah buatsaih a ni ang.