Manipur: Naga mi rukbonaa inhnamhnawih nia rinhlelh pali man

Manipur-a Kangpokpi district-a Naga mi paruk rukbo a nih aṭanga kar hnih liam hnuah, security force-te chuan he inrukbonaa inhnamhnawih nia rinhlelh mi pali an man. Police-te chuan Thawhṭannia Manipur police, Central Reserve Police Force (CRPF) leh Assam Rifle ṭangkawpin beihpui an thlak naah heng mi palite hi Kangpokpi-a P Molding leh Leilon Veiphei inkarah an man tih an sawi.