Assam : Census 2027 atan inbuatsaih ṭan

Assam chuan May 25, Thawhṭannia Guwahati-a Principal Census Officer (PCO) state-level conference an buatsaihah, chhiarpui Census 2027 atana inbuatsaihna thlirletna hun an hmang. Chhiarpui neih tur ram chhunga digital census hmasa ber tur a ni. Conference hi Assam Administrative Staff College-ah buatsaih niin, state chief secretary Ravi Kota chuan a kaihruai a, Census 2027 thawhkhatna, Houselisting and Housing Census (HLO) kalpui dan tur sawi ho a ni.

Official-te chuan Census 2027 chu thawh hniha kalpui a ni dawn tih sawiin, thawh khatnaah hian Houselisting and Housing Census neih a ni dawn a, April 1 leh September 30 inkara neih tura tih a ni. A thawh hnihnaa neih tur Population Enumeration leh National Population Register chu nakkum February 9 leh February 28 inkarah neih a ni ang.

Assam-ah hian census hi kumin August 21 aṭanga September 30 thleng phase hrang hranga neih tura tih niin, official-te chuan hemi hun chhung hian official portal kaltlangin self-enumeration tih theih a nih tur thu an sawi bawk. Census 2027 pual hian digital infrastructure changkang tak hman a ni dawn a, field-level staff training pek leh state pumah awareness campaign neih a ni dawn bawk tih official-te chuan an sawi.