Arunachal : 'She Rides' leh 'Smart Didi' programme buatsaih

Arunachal Pradesh-a Papum Pare district-a ArSRLM-a Block Mission Management Unit (BMMU) chuan, hmeichhiate chawikanna atana hma an laknaah Sagalee block-ah programme pahnih- 'She Rides' leh 'Smart Didi' an buatsaih a, programme hi thingtlang hmeichhiate tana mahni inrintawkna, thiamna leh eizawnna chawikanna tura buatsaih a ni.

Programme hi SHG member, master book keepers (MBK), LH cadre, CRP-EP, e-book keepers leh SHG kaihhnawih hnuaia hmeichhiate leh federation institution-a hnathawkte tana buatsaih a ni. 'She Rides' programme-ah hian batch hnihin hmeichhiate tan two-wheeler khalh zirna ni 30 chhung buatsaih a ni a, SHG-a hmeichhia 15 inziak lut zinga panga chuan driving test an paltlang.

'Smart Didi' programme-ah hian ni sarih chhung hmeichhe 10 thlante hnenah computer training pek an ni. Trainee-te hi office hnathawh, documentation, online reporting leh digital hmanga inbiakpawhna lam hriat zauna leh digital thiamna zirtir an ni. Trainee hlawhtlingte hnenah certificate hlan an ni bawk. He training programme pahnih hi a thlawna kalpui a ni. He hmalakna hi ṭhalai, social worker leh philanthropist-ten theihtawpa khawtlang tana rawng an bawl theihna tura buatsaih a ni bawk a ni.