Assam: Dan bawhchhiatna leh thubuai chinfel loh tlahniam

Assam-a May 16-a Officers-in-Charge, Police Superintendent leh Range officer-ten virtual crime review meeting an neih chu Harmeet Singh chuan kaihruaiin, meeting-ah hian police-te chuan chief minister Himanta Biswa Sarma kaihhruaina hnuaiah state-ah dan bawhchhiatna leh thubuai chinfel loh nasa takin a tlahniam tih an sawi.

Official statistics-ah crime rate kum 2021-a 349.5 leh kum 2025-a 121.5 chu 100.2 in a tlahniam tih tarlan a ni. Police-te chuan thubuai chinfel loh chungchangah pawh thuchhuah siamin, kum 2021-a thubuai 1,33,982 leh kum 2025-a 11,140 awm chu 10,902-ah a tlahniam tih an tarlang bawk. Thla tina dan bawhchhiatna leh pawikhawihna thubuai theh luh pawh kum 2021-a 11,103.3 leh kum 2025-a 3,682.9 awm nen tehkhinin, kuminah chuan 3,065 chauh thubuai theh luh a ni, an ti.

Hetih rual hian charge sheet filing chu 86.04% in hma a sawn thung. Police-te chuan he hmasawnna hi police-te hmalakna leh inpekna, inkaihhruaina tihchak, technology hmanga chhuizuina kalpui leh, state-a dan leh thupek kenkawhna tura hmalakna hrang hrang vangte a nih thu an sawi. Department chuan vantlanga himna thlen turin hma a lak chhunzawm zel tur thu leh, investigative sysem ṭha zawk hmanga beihpui thlak a ni dawn tih an sawi a ni.