Manipur: Governor-in researcher lunar robotics project a fak

Manipur governor Ajay Kumar Bhalla chuan Manipur mi University of Adelaide, Australia-a PhD researcher leh space architect, Albert Rajkumar-a research work chu a fak hle. Rajkuma hian lunar infrastructure tihhmasawnna atan human-robot thawhdunna kawngah hma a la mek a ni.

Thawhṭannia National Technology Day puala Facebook-a thuchhuah a siamah, Governor chuan Rajkumar chu extended reality (XR) hmanrua siam chhuah kawnga sulsutu a nih thu a tarlang. Bhalla chuan Rajkumar-a hnathawh chuan Manipur mite thiamna, chhelna leh hmalam panna lantirtu a ni tih sawiin, Manipur aṭanga khawvel pum huapa space research zinkawng chu ṭhalaiten zawh tura a duh thu leh, nakin huna technology hmasawn zawk neih theihna atan a ṭangkai tih a sawi.

Rajkumar hian Australian Rover Challenge 2026-ah lunar infrastructure atana mihring leh robot thawh hona chungchanga zirchianna neiin, a hnathawhnaah hian XR-based simulation platform siam a ni. Heng zingah hian 'SIDE QUEST' pawh telin, hemi hmang hian a telte chu robotic system nen thawhhona ṭha tak neiin structure ngelnghet buatsaih theihna tur a siamsak. Rajkumar hi School of Planning and Architecture leh University of Houston-a zirchhuak niin; architecture, robotic leh extended reality technology- thlunzawm hmangin space infrastructure leh extraterrestrial habitat-te a zirchiang a ni.