Arunachal Sanctuary-ah Royal Bengal Tiger hmu

Arunachal Pradesh-a Pasighat bul D Ering Memorial Wildlife Sanctuary (DEMWS) ah kum 20 dawn hnuah Royal Bengal Tiger hmuh leh a ni. He sakei hi Ashoka Trust for research in Ecology and the Environment (ATREE) technical thlawpnaa sanctuary-a camera trap survey neih hmanga hmuh a ni. DEMWS hi East Siang district-a Pasighat aṭanga km 13 vela awm a ni a, sq km 190 vela zau a ni. Kum 1978 khan din a ni a, sakei, keite, lawi leh sava chi hrang hrang an awm.