Arunachal : BJP-in district-level training program hawng

Arunachal Pradesh Bharatiya Janata Party (BJP) unit chuan Inrinni khan Pandit Deendayal Prashikshan Mahabhiyan 2026 hnuaiah district-level training program chu Tawang-ah an hawng. Hawnna inkhawmah hian Tawang, West Kameng leh Bichom district aiawhte an tel.

Program hi state BJP president Kaling Moyong chuan hawngin, May 9 aṭanga 31 thleng neih tur a ni a, state chhunga hmun 12-ah buatsaih a ni ang. He huna thu a sawiah, Moyong chuan training campaign hi BJP member-te hnena party kalphung tihchak, inkaihhruaina leh thiamna ṭha pekna tur a nih thu a sawi. Program-ah hian subject 11 a awm dawn a, hei bakah chief minister Pema Khandu kaihhruaina hnuaia BJP sorkarin hlawhtlinna a neih tawhte zir ho a ni bawk ang.

Party state vice president leh training convenor, Ashok Sangchujo chuan training program kalpui dan tur a sawilang bawk. Hawnna inkhawmah hian Lumla MLA Tsering Lhamu bakah state general secretary zingah Juny Singpho leh Tadar Niglar bakah party mi leh sa mi pawimawhte an tel.