Meghalaya : NEIGRIHMS pathology department che ṭha

Meghalaya-a North Eastern Indira Gandhi Regional Institute of Health and Medical Sciences (NEIGRIHMS) Pathology department chuan, kumin April 21-23-a Paro, Bhutan-a 7th South Asian Academy of Cytopathology and Histopathology Conference-ah an research performance ṭha tak avangin lawmman pakhatna an dawng.

Pathology Department-a associate professor Biswajit Dey chuan zirchianna a neih, "Clinicopathological profile and molecular classification of muscle invasive bladder cancer based on a simplified panel of immunohistochemistry" tih hmangin oral paper presentation category-ah lawmman pakhatna hi a dawng a ni.

Department assistant professor Naveen Kumar chuan he category-ah tho hian a presentation, "Molecular profiling and clinicopathological association of endometrial carcinomas presenting at a tertiary care institute of Northeast India" tih hmangin lawmman pahnihna a dawng bawk. Lawmman an dawnna pahnihte hi NEIGRIHMS-a zirchianna an kalpui mek zinga mi niin, helai biala cancer hluar zirchianna chungchang a ni. He zirchianna hian cancer thliar hranna, enkawl dan tur leh damlo enkawlna pek tihchangtlunna tura molecular pathology leh immunohistochemistry pawimawhna tarlan a ni.

NEIGRIHMS director Prof. Nalin Mehta chuan faculty-te a lawmpui thu leh, an hlawhtlinna chu institute-in cancer research, molecular zirchianna leh, zirna lam tihhmasawn a tumna a lantir tih a sawi.