Manipur : Drone hmangin Kamjong district bei

Manipur-a Myanmar ramri hnaih, Kamjong district chu nimin May 7 zing khan helpawl nia rinhlelhten an bei. He inbeihna hi zing dar 2 vel khan Namlee Market leh Choro khuaa thleng a ni. Pawikhawihtute hi KNA-B cadre-te nia rin niin, drone hmangin an bei a ni.

Report chuan chenna in tam tak hal a ni tih tarlangin, thi leh hliam erawh an awm lo. Security force-te chuan buaina chhuak dinhmun chu uluk takin an thlithlai a, bungrua tihchhiat leh pawikhawihnaa inhnamhnawihte pawh chhuizui mek a ni. He inbeihna thleng thar hian Manipur ramri district hmun derthawng zual laia buaina chhuak mek a ti punlun leh a, thla eng emaw zat liam ta aṭang khan buaina leh ralthuam hmanga inbeihna a lo thleng fo tawh a ni.

Manipur police leh security force-ten ni hnih chhung state puma beihpui an thlaknaah, dan pawna hnawl helpawl zingah KCP, PREPAK leh UKNA cadre eng emaw zat an man tih official-te chuan nimin May 7 khan an sawi bawk.

Official-te chuan National Highway 37-a bungraw phur lirthei 319 chu venhimna hnuaiah him taka tlan tir an nih thu an sawi. Hmun derthawng zual laia bungraw phur lirthei tlante venghim turin security force dah an ni. District hmun hrang hrangah naka leh check point 114 siam a ni.