Sikkim High Court-in ram chhungah paperless court hmang hmasa ber

Sikkim High Court chuan Gangtok-a Conclave on Technology and Judicial Education hawnna session-ah ram chhunga paperless court hmang hmasa ber an ni tih an puang.

Ni hnih awh conference hi Sikkim High Court-in Supreme Court-a e-Committee a thawhpuinaa buatsaih a ni a, Chintan Bhawan-ah hawngin India chief justice Surya Kant leh Sikkim chief minister Prem Singh Tamang-ten an telpui a ni . Chief Justice chuan he hmalakna hi rorelna dik, langtlang leh rintlak zawka kalpuina tur a nih thu a sawi.

Chief justice Surya Kant chuan inthlak danglamna thlenna hmun atan Gangtok chu hmun duhthusam a nih thu a sawi. Digital network chuan kawng thar a hawn mek thu sawiin, digital highway chuan mipuite chu judicial forum-ah direct-in a thlunzawm a, hmun hla tak tak pan a ngai tawh dawn lo tih a sawi. Sikkim High Court-a filing zawng zawng chu ukilten digital hmangin an siam tawh dawn a ni.

Technology lama hmasawnna chuan chenna hmun, sum sen leh hmun hla tak pan a ngaih ṭhin avanga harsatna awmte a sukiang thei dawn tih sawiin, Kant chuan North Sikkim, Western Ghats leh Andaman leh Nicobar Island-ah pawh a hman theih dawn tih a sawi. Sikkim High Court chu India rama paperless High Court hmang hmasa ber an nih avangin a lawmpui thu a sawi bawk.