Meghalaya : Sorkarin khualzinte tan thurawn tichhuak

Meghalaya sorkar chuan East Khasi Hills-a khualzinte leh operator-te tawhsual tawh theihna leh khuarel chhiatna laka invenna tur thurawn eng emaw zat a tichhuak. He thu hi Shillong-a Deputy Commissioner Office tihchhuah a ni a, khualzin tlawh tamna hmuna chhiatna thleng thei laka invenna tura atana tih a ni. Thuneitute chuan hei hi khualzin leh tualchhung stakeholder-te tana thil pawimawh tak a nih thu an sawi.

Official-te chuan chhiatna laka invenhimna tur ruahmanna mumal chu hmun tinah dah a pawimawh tih an sawi. Khualzin tlawh tamna hmuna luhna leh chhuahna kawng chiang taka chhinchhiah, map langsar taka tarlan leh mithiam bik dah a ṭul thu an sawi. Khualzin kaihhruaitu leh staff-te chu nun chhanhimna lama thiamna nei tura training pek pawh a ṭul tih an tarlang.

Railing, lei leh playground hmanruate ngun taka endik a, a chhia a awm a nih chuan thlak vat tura tih a ni. Thuneitute chuan hetianga endikna neih ngaihthah a nih chuan tlawhtute tan thil pawi a thleng thei tih an tarlang. Helai biala khualzin hiptu ber water-based tourism lamah pawh thurawn tichhuakin, lawngah mi tam tak chuang lo tur leh leh invenhimna hmanrua an kawl a ṭul tih tarlangin, lawng hman a nih hmain engine uluk taka endik tura tih a ni. Hei bakah tui chen a nih dawnin lifeguard dah tura tih a ni a, tlawhtute chu official source aṭangin khawchin en uluk tura hriattir an ni.