Assam : AIIMS Guwahati-ah neurosurgery OT dah thar

Hmarchhak biala healthcare service thuam chakna atan, Assam-a AIIMS Guwahati-ah state-of-the-art neurosurgical operation theatre dah thar a ni. Facility hi executive director Ashok Puranik-a'n a hawng a, he hunah hian Power Grid Corporation of India Limited (PGCIL) official Surendra Kumar Majhi pawh a tel.

He facility hi PGCIL Corporate Social Responsibility (CSR) hmalaknain Rs vbc 6.5 senga din a ni a, inzaina hmanrua changkang leh damlote himna tura thuam a ni. An hmanrua hmante chuan thluak lama natna khirhkhan neite ṭha zawkin a enkawl thei dawn a ni.

Hawnna huna thu a sawiah, Prof. Puranik chuan healthcare infrastructure thuam chak leh din kawngah public institution leh corporate organization-te thawh ho pawimawhzia sawilangin, a bikin service changtlung awm lohna hmunah thawh hona ṭha neih a pawimawh thu a sawi. Institute chuan hmarchhak bial pumah healthcare high-quality service pe turin hma a la chhunzawm zel dawn tih a sawi bawk. Majhi chuan PGCIL chuan CSR hmalakna kaltlangin sector hrang hrang zingah healthcare chu a ngaih pawimawh a nih thu a sawi.

He neurosurgical facility dah belh hian hmun danga referral center pan ngai a tihtlem phah dawn a, damlo tam zawkin a hun takah enkawlna ṭha an dawng thei dawn a ni. Hei hi Assam chauh ni lo, hmarchhak bial pumin an ṭangkaipui hle a rinawm.