Meghalaya : CM-in Umlyngka stadium hawng

Meghalaya chief minister, Conrad K Sangma chuan May 2 khan Umlyngka-a Rs vbc 3.57 senna indoor stadium leh football gound thawm ṭhat a hawng. Facility hi Directorate of Sports and Youth Affairs sak a ni a, infiamna lama training leh inelna buatsaih bakah, vantlang hun pawimawha hman theih tura ruahman a ni. Official-te chuan project chu state puma sports infrastructure tihhmasawnna tur a nih thu an sawi.

Hawnna inkhawma thu a sawiah, CM Sangma chuan sorkarin state hmun hrang hranga hmasawnna kalpui a ngaih pawimawh thu leh, ṭhalaite hma hun atan sum senna ni loin investment a ni, a ti. Mylliem bial sports infrastructure atan Rs vbc 25 dawn dah a nih thu leh, Umlyngka stadium chu ṭhalaite zinga sports culture chawikanna tura duan a ni tih a sawi bawk.

MLA Ronnie V Lungdon chuan hmasawnna project thawh chu lawmawm a tih thu leh, infrastructure tihhmasawn chuan tualchhung ṭhalaite chu infiamna lamah hun remchang a siamsak dawn tih a sawi. State sorkar leh sports department-ten project atana sum an sanction avangin lawmthu a sawi bawk. Ṭhalaite chu training dik leh inpekna an nei a nih chuan an nitin nunah hmasawnna ngelnghet an nei thei dawn a ni, a ti.

He hunah hian Sangma chuan tualchhung pawl pathum, ceremony-a perform-te chu Chief Minister’s Special Grant hnuaiah sum lama ṭanpuina pek an ni dawn tih a sawi. Official-te chuan Umlyngka Indoor Stadium chuan a bulṭhut aṭangin sports a chawikang dawn tih an sawi bawk.