Arunachal : CBI-in CM kaihhnawih contract chungchangah official-te hmu dawn

Arunachal Pradesh chief minister Pema Khandu chhung hnaivai company hnenah dik lo taka public contract pek a ni tih sawi awm chu Supreme Court chuan chhui chiang turin a ti. Hemi chungchangah hian Central Bureau of Investigation (CBI) chuan May 5 hian state sorkar official-te nen coordination meeting an nei dawn.

Public Works department in official-a thuchhuah a siamah, meeting hi state khawpui Itanagar-a Civil Secretariat-ah tlai dar 4-ah neih a ni dawn. Meeting-ah hian department hrang hrang aṭanga nodal officer-te leh CBI official-te an tel dawn a ni. Meeting hi Save Mon Region Federation vs State of Arunachal Pradesh & Others thubuai kaihhnawihah neih tur a ni. Officer, PWD, Public Health Engineering, Urban Development, Water Resources, Rural Works, Hydropower, leh Power department hrang hranga chief engineer-te tel tura hriattir an ni.

Official-te chu firm eng emaw zat chungchanga CBI-in zawhna a neihte kimchang taka chhanna pe tura hriattir an ni a, chung zingah chuan M/S Brand Eagles, M/S R D Constructions, M/S Alliances Traders, M/S Frontiers Associates, M/S Goleng Construction, M/S Global Royal Constructions, leh M/S Khandu Construction-te pawh an tel. Hriattirnaah hian agency-in proforma a tarlan angin meeting-ah hian information pawimawh ken tel a ni tur a ni tih an tarlang.