Assam: Guwahati-ah tuilian laka venhimna tur kalpui ṭan

Assam sorkar chuan Guwahati-ah darkar 48 lo awm turah ruah nasa taka sur tura rin a nih avangin tuilian thleng laka venhimna tur a kalpui ṭan. Chief secretary Ravi Kota chuan Inrinni khan official-te nen an dinhmun leh inralrinna kalpuidan an ennawn a, department hrang hrangte chu engtiklai pawha hmanrua ṭangkai kawl reng tura hriattir an ni tawh bawk.