Nagaland : Governor-in ṭhalaite sorkar hna aiin entrepreneurship uar turin a ngen

Nagaland governor, Nand Kishore Yadav chuan ṭhalaite chu sorkar hna thawh vek tum loin kutkawih eizawnna (entrepreneurship) lam uar turin a ngen. Lok Bhavan-a Eden Higher Secondary School-a zirlaite educational tour an neih denchhena inbiakna an neihah, hlawhtling tur chuan thawhrimna, mahni inrintawkna leh tumruhna neih a ṭul tih a sawi a ni.

Inkaihhruaina, inrelbawlna leh zirna chungchang an sawi honaah, Yadav chuan hmasawnna awm theihna atan zirlaite chu tum mumal leh awmze nei zawk nei turin a chah. Public sector-a hnathawh chu dah pawimawh ber lo tura hrilhin, tourism tihchakna tur leh a kaihhnawiha state-in theihna a neihte a tarlang bawk.

Governor chuan technology lama thiamna neih chu hmasawnna atan a pawimawh tih a sawi. Indian politician Jayaprakash Narayan-a'n zirlai hrang hrangte laka nghawng a neih aṭanga a thil zir chhuahte tarlangin, mipui rawngbawlnaa inpekna chu chhungril lama rinna aṭanga lo chhuak a nih thu a sawi. Yadav chuan intluktlanna pawimawhna tarlangin, mipa bakah hmeichhiaten theihna an neih chu state hmasawnna a nih thu a sawi.