Meghalaya : Khasi leh Garo official state language atan pawm

Meghalaya cabinet chuan Ningani khan Meghalaya Official Languages Ordinance, 2026 pawmin, English bakah Khasi leh Garo chu official state language atan pawm a ni. Cabinet thutlukna hi chief minister Conrad K. Sangma chuan puangin, language ordinance siam hmangin State Language Act, 2005 chu hlih a nih thu a sawi.

English bakah Khasi leh Garo chu Meghalaya Official Languages Ordinance 2026 hnuaiah official language atan pawm a ni tawh dawn tih Sangma chuan a sawi. Nikum khan NPP kaihhruai state sorkar chuan Class I thleng zirlai curriculum-ah Khasi leh Garo telh turin thutlukna a lo siam tawh a ni. Cabinet thutlukna Khasi Author Society nen an puanah, Sangma chuan Meghalaya Assembly-in Khasi leh Garo ṭawngte chu Eighth Schedule-a telh turin resolution pass mah se, state mipui leh sorkar laipui hnenah thuchah siam a ngaih thu sawiin, tualchhung ṭawng tihhmasawn a pawimawhzia leh Eighth Schedule-a telh a nih theihna tura hmalakna a nih thu a sawi.

Chief Minister chuan he thil hi hmalakna pawimawh tak a nih thu sawiin, sorkar leh official inbiakpawhna leh exam-naa hman a nih theihnan hun a duh dawn a nih pawhin thutlukna lo siam chu a pawimawh tih a tarlang. Khasi Authors Society leh Achik Literature Society chu he thutlukna siam tur hian theihtawp an chhuah avangin lawmthu a hrilh a, an thlawp zui zel a beisei tih a sawi bawk.