Arunachal : Itanagar college facility thar hawng

Arunachal Pradesh chief minister Pema Khandu chuan Dera Natung Government College-ah state higher education network thuam chakna atan infrastructure project thar pathum a hawng. Facility thar hawnte hi administrative block, badminton-cum-judo hall leh recreation hall-te an ni. Heng facility hi zirlai leh faculty 4,600 ten an hmang ṭangkai thei dawn a ni.

Khandu chuan zirna ina infrastructure inthlauhna awm ṭhin tihtawp a ni dawn tih sawiin, tun hnaia anthropology department, mipa leh hmeichhe hostel leh academic building tih zauh bakah hma huna mamawh tur zingah classroom dang sakte pawh a sawilang. College principal MQ Khan chu college hmasawnna tura theihtawp a chhuahnaah a fak bawk.

Infiamna lam pawh ngaih pawimawh a nih thu sawiin, CM chuan hall thar chu infiamna lama hmasawnna a nih a beisei tih a sawi. Khelo India Tribal Games-ah Arunachal chu ram pumah pangana a nih bakah hmarchhak bialah pakhatna a ni, a ati. Chief Minister chuan khawvela university ṭha zinga 150 zinga zirlai admission hmute tan sorkarin thlawpna turin, National Education Policy 2020 zulzuiin "Mission Shikshit Arunachal 2029" siam a nih thu a sawi.

CM chuan technology lam pawimawhna pawh tarlang bawkin,Namsai leh Dirang-a science centre planetarium awmna pawhin fak an hlawh hle a ni, a ti. Hydropower, MSME, startup leh kutkawih eizawnna (entrepreneurship) ṭhanlenna turin thiamna tak tak neih a pawimawh thu a sawi. Arunachal Creative Economy cell din thar chuan tualchhung themthiamna, rimawi leh puantah a chawikang dawn tih a sawi bawk a ni.