Manipur : Kamjong district-ah NSCN cadre pali kaphlum

Manipur-a National Socialist Council of Nagalim (NSCN) Eastern Flank cadre palite chu March 28 zan dar 8:30 leh 9 inkar khan Hongbei khaw junction-ah kahhlum an ni a, mi dang pahnih chu an tlanchhe hman nia sawi a ni.

NSCN mi leh sa parukte hi Imphal–Kasom Khullen kawngah an hmelma pawl, National Socialist Council of Nagalim- Issac Muivah (NSCN-IM) mi nia hriatten lo changin, Hongbei khua an luh hnuah motor chhunga an awm chu an lo bei nia sawi a ni. Beih an nih chhan hi hriatchian a la ni lo. Nimin khan Kasom Khullen police-te chuan inbeihna thlenna hmun hi kalin an enfiah nghal bawk.

People’s Republic of Nagalim-in tawrhpuina thu a tihchhuahah, cadre-te hi Indo-Myanmar ramri bula an duty zo an haw lam nih thu tarlangin, Kasom Khullen-a thing leh sumdawnna dangte an endik ṭhin a ni.