Sikkim : Census 2027 atan inbuatsaih ṭan

Sikkim sorkar chuan chhiarpui, Census 2027 atan inbuatsaihna nei ṭanin, official-te chuan Nilaini khan Tashiling Secretariat-a press conference neihah chhhiarpui neih dan tur ruahmanna hrang hrangte an tarlang. Census hi thawh hniha kalpui a ni dawn tih an sawi bawk.

Chhiarpui thawh khatnaah hian house listing leh housing census neih a ni dawn a, kumin April 16 aṭanga May 15 thleng neih a ni ang. A thawh hnihna, mipui chhiarpui chu February 2027-a neih tura ruahman a ni.

Census Operations director Karma Bonpo chuan inchhiarpui chu India tan vawi 16-na a ni a, Sikkim tan vawi ngana tur a nih thu a sawi. Digital-a kalpui a nih tur thu leh, sorkar laipuiin self-enumeration portal a siam, se.census.gov.in chu kumin April 1-55 aṭanga hman ṭan theih turin a buatsaih tih a sawi bawk.

Bonpo chuan census information chu Census Act, 1948 hnuaiah midang hriata pholan a ni dawn loh thu leh khauh taka hman a nih tur thu a sawi.Kimchang taka inchhiarpui neih a nih theihna turin mipuite thlawpna leh thawhpuina a ngen. Home secretary leh state nodal officer for census, Tenzing T Kaleon chuan inbuatsaihna meeting chu Chief Secretary kaihhruaina hnuaiah neih a nih tawh thu a sawi a, chhiarpui neitu tur enumerator 2,459 leh supurvisor-te bakah puibawmtu turte chu training pek vek an ni dawn tih a tarlang.