Assam CM vautu Arunachal Pradesh mi man

Arunachal Pradesh mi, kum 29 mi Krishna Dornal chu WhatsApp kaltlanga Assam chief minister Himanta Biswa Sarma thahah a vau avangin man a ni.

Krishna Dornal hi Arunachal Pradesh-a Dolahtphulbari khuaa cheng a ni. Assam Chief Minister official address-ah email hmanga pawisa a dilna chu chhanna a dawn loh avangin, WhatsApp kaltlangin CM chu thahah a vau tih Itanagar Capital Region Superintendent of Police Nyelam Nega chuan a sawi.

Assam police-te chuan Dornal hi chhui zuiin, kar liam ta kartawp lam khan Naharlagun-ah an man a ni. Thu an zawhfiahnaah, Dornal hian a thawhna, wine shop-ah sum a tichingpen a, a neituin a hriatchhuah hnuah Assam CM hi email hmangin pawisa a dil a, a hnuah WhatsApp message hmangin a vau zui leh ta a ni.