Meghalaya: Sorkarin GHADC term pawtsei

Meghalaya-a tribal council inthlan lo awm tura candidate zinga non-tribal an awm avanga buaina a chhuah hnuah, state sorkar chuan Garo Hills Autonomous District Council (GHADC) term chu thla rukin a pawtsei tih deputy chief minister Prestone Tynsong chuan a sawi. Chief minister Conrad K Sangma kaihhruai virtual meeting-ah state cabinet chuan thutlukna hi a siam a ni.

Meeting neih zawha thuthar lakhawmtute a kawmnaah, Tynsong chuan chipchiar zawka sawi hona neih a nih hnuah, cabinet chuan GHADC term chu thla ruka pawhsei a remti a, kumin April 18 aṭanga October 18 thleng a awh dawn tih a sawi.

Cabinet chuan thutlukna hi chief executive member (CEM) Albinush R Marak ban hnua a siam a ni a, CEM thar atan Dhormonath Ch Sangma ruat a ni nghal bawk. Tynsong chuan sorkarin stakeholder-te nen candidate chungchanga buaina awmte chingfel turin inbiakna an nei dawn tih a sawi. Thla ruk chhung term pawhsei chuan sorkar, district council leh stakeholder-te inkarah inbiakna hun tam zawk a siam dawn tih a sawi bawk.