Tripura : Labour department-in digital platform tlangzarh

Tripura-a labour welfare service digital hmanga thuam chakna atan, Labour Department chuan Nilaini khan Nirman Shramik Kalyan Prakalp hnuaiah digital platform a tlangzarh. Program hi Labour, YAS, Social Welfare & Social Education minister Tinku Roy chuan Pragna Bhavan, Agartala-ah a hawng a ni.

Tlangzarhnaa thu a sawiah, Minister chuan labour welfare leh digital service awlsam leh langtlang zawka hman a nih theihna turin web leh mobile app service tlangzarh a nih thu a sawi. He digital platform kaltlang hian in sak hna thawktute chuan registration, hamṭhatna leh service pawimawhte rang zawk leh langtlang zawkin an hmang thei dawn a ni, a ti. Hmalakna hi hnathawkte chu an dikna chanvo leh technology kaltlanga remchan zawkna a siamsak dawn tih a sawi.

Platform tlangzarh thar hmang hian hnathawkte registration, welfare scheme application leh service delivery chu tihkhawtlai awm loin rintlak zawkin buaipui a ni thei dawn a ni. Official-te chuan he hmalakna hian hnathawktute chu direct-in an hriattur pawimawh a hrilh dawn a, harsatna awm loin hamṭhatna an dawng thei dawn a ni, an ti. Minister Roy chuan Nirman Shramik Kalyan Prakalp digital platform chu state-a labour welfare tan thu lawmawm tak a nih thu sawiin, hnathawkte dikna chanvo leh an khawsak phung a chawikang dawn tih a sawi.