Tripura : Brick siamna hmuna hnathawk thih avangin mi pali man

Tripura-a Belonia-a brick siamna hmuna hnathawk pakhat, Bhakta Das kum 27 mi thihna kaihhnawihah state pawn mi hnathawk pathum leh tualchhung mi pakhat man an ni. An mi mante hi Ajay Orang, Ramlal Orang, Guddu, leh Basudeb Das-te an ni a, Jharkhand mi pathum leh tualchhung mi pakhat an ni.

Das-a nupuiin police hnena complaint a thehluhah, hliam na tak a tawrh hnuah GB Pant Hospital-ah admit niin, Inrinni zanah a hliam tuar loin a thi tih tarlan a ni. A thih hnuah a nupui Kabita Das chuan PR Bari police station-ah complaint theh lutin, pawikhawihtute hming pali hi tarlan an ni. Complaint theh luh a nih hnu lawkah FIR ziah luh a ni a, hming tarlan palite chu custody-ah lak nghal an ni tih OC Sanjit Sen chuan sawiin, an mi mante hian March 5 khan kut an thlak ngei tih an sawi tawk bawk.

Police-te chuan March 5 khan Kalimata Brick Field enkawltu chuan hnathawkte hnenah hlawh pein, pawikhawihtute leh nunna chanta inkarah buaina a chhuak a, Bhakta Das hi kutthlak niin zing dar 2 vela nikhaw hre loa a awm hnuah tualchhung damdawi-inah hruai a ni a, Santirbazar District hospital-ah sawn niin, hemi hnuah GB Pant Hospital, Agartala panpui a nih hnuah a thi a ni.