Sikkim : Hyatt-in hotel room 150 awmna hawng dawn

Hyatt Hotels Corporation chuan Sikkim khawpui, Gangtok-ah hotel thar room 150 awmna a hawng dawn tih official-te chuan an puang. State chief minister Prem Singh Tamang chuan Mintokgang-a hotel sakna turah lungphum a lo phum tawh a ni. Hotel thar sak tur hi mikhual thlenna nuam zawk leh, tourism infrastructure thuam chakna tura tih a ni.

Sikkim-ah hian kum kalta khan khualzin maktaduai 1.7 vel awmin, ram pawn aṭanga tlawhtu mi 71,000 chuang an awm tih official chuan a tarlang. State-ah hian nitin mikhual 42,000 leh 45,000 an thleng thei tih official-te chuan sawiin, chutih rualin central Gangtok-ah premium inventory indaih lohna a nasa hle tih an tarlang. Hotel siam belh chuan heng indaih lohnate hi a chingfel thei dawn tih an tarlang.

Hyatt Regency Gangtok-ah hian chaw eina hmun eng emaw zat bakah spa, swimming pool, fitness facilty leh sq ft 13,000 a zau meeting leh event buatsaihna hmun a awm dawn a ni. Dan phalna hnuaiah casino facility pawh dah tum a ni bawk.

Chief Minister chuan project chu state hmasawnna leh economy ṭhanlenna tur a nih thu sawiin, SM Group, Poddar Group leh Hyatt-ten thawh hona ṭha tak an nei chu a lawmpui thu a tarlang.