Assam : Batadrava Than tlawhtute tan traditional dress code ruahman

Assam chief minister Himanta Biswa Sarma chuan Nagaon district-a Batadrava Than tlawhtu, kum 12 chin chunglamte tan traditional dress ruahman a nih thu a sawi. Hei hi Batadrava hmun thianghlimna leh zahawmna vawng nunna tura siam a nih thu CM Sarma chuan a sawi.

Batadrava Than hi Vaishnavite mi thianghlim, Mahapurush Srimanta Sankardev pianna hmun a ni a, kum kalta december 29 khan union home minister Amit Shah-a'n a hawng a ni.

Thawhlehnia thuthar lakhawmtute hmaa thu a sawiah, Chief Minister chuan rawtna awm chu ngaihtuah mek a nih thu leh, hman ṭan thuai a ni dawn tih a sawi. A tlangpuiin sorkar kalphungah ni hnih aṭanga ni thum chhung sawi hona neih ṭhin a ni a, hemi zawhah hman ṭan nghal a ni ang, a ti.

Batadrava Than sak ṭhatna project hi Mahapurush Srimanta Sankardev Avirbhav Kshetra tih niin, ram bigha 162 a zauah sak a ni. Sakhua leh culture centre pawimawh tak Batadrava Than-ah hian kum khat chhungin state hrang hrang leh a chhehvel aṭangin tlawhtu an tam ṭhin hle. Chief Minister chuan he hmalakna hian Satra heritage leh nunphung zahna a lantir dawn a, ṭhangthar lo awm zel turte tana humhalh a nih theih nan hmalak tum a nih thu a sawi.