Tripura : Pre-budget review meeting buatsaih

Tripura Assembly Budget session chu March 13 aṭangin neih a ni dawn a, state sorkar chuan session ṭan hmain, Thawhṭanni khan pre-budget review meeting a buatsaih.

Finance minister Pranajit Singha Roy chuan Thawhṭanni khan Civil Secretariat-ah Council of Ministers member leh senior official-te nen meeting chhawng neiin, department sum hman dan thlir letna neih a nih bakah, 2026-27 atana sum hmanna tur ruahmante tihfel a nih thu official thuchhuah chuan a tarlang.

Meeting-ah hian kum 2025-26 atana Revised Estimate leh, kum 2026-27 atana Budget ruahman chungchang sawi ho a ni a, sector pawimawh hrang hranga sum hmuh tur leh sum hman tura ruahmante enfiah a ni.

Department hrang hrang enkawltu minister-te nen meeting hran neih niin, chung zingah chuan Public Works, Health, Industries and Commerce, Higher Education, Tribal Welfare, Transport, Tourism, Food and Civil Supplies, Youth Affairs and Sports, Labour, leh General Administration-te an tel.

Budget session hi March 13-ah ṭanin, session ṭan ni hian governor Indrasena Reddy Nallu chuan House-ah thu a sawi ang. March 6-a Business Advisory Committee meeting neih hunah session hman dan tur kimchang hi tihfel a ni dawn a ni. Kum 2026-2027 atana state budget chu finance minister Pranajit Singha Roy-a'n a pharh dawn a, hei hi BJP kaihhruai sorkar term hnihna chhunag budget pharh vawi thumna tur a ni.