Tripura : State Innovation Mission hmasa ber tlangzarh

Tripura chuan a hmasa ber atan state-a thil thar hmuh chhuah leh entrepreneur hmasawnna atan, NITI Aayog hnuaiah Atal Innovation Mission (AIM) chuan State Innovation Mission (SIM) a tlangzarh. He hmalakna hi AIM 2.0 hnuaiah NITI Aayog State Support Mission (SSM) in a kalpui a ni.

Tlangzarh inkhawm hi Hapania International Exhibition Centre, Agartala-ah neih niin, chief minister Manik Saha, NITI Aayog vice chairman Suman Bery, union minister of state for science and technology Jitendra Singh leh NITI Aayog member V.K. Saraswat-te an tel. SIM framework hnuaiah mission hi Tripura Institution for Transformation (TIFT) kaltlanga neih tur a ni a, kutkawih eizawnna leh startup a puibawm dawn a ni.

District pariatah Innovation Centre din a ni dawn a, T-NEST nen thlunzawm tur niin, hmeichhiate leh tribal hnamte zingah entrepreneurship chawikan tum a ni. Tripura hian ram chhunga a hmasa ber atan District Innovator Fellowships (DIF) a tlangzarh bawk. State sorkar chuan Prime Minister hmathlir zulzuiin AI Policy changtlung tak siam a tum tih a puang. State khawpui Agartala-ah global technology-a an thawhpuite puihnain, AI City din turin rawtna an siam bawk.