Nagaland : Dan loa check gate siam khar turin thupek chhuah

Nagaland-a Dimapur district-a dan loa check gate siamte chu khar vek turin Dimapur district thuneituin thupek a tichhuak. He thupek hi February 25-a Dimapur puma check gate endikna an neih hnua siam a ni. Check gate endikna hi Dimapur SDO (C) Wiridin kaihhruaia neih niin, ADCP Kelem Toshi Jamir-a'n a ṭawiawm a ni.

Pawl hrang hrang, sorkar agency leh mimal kut aṭanga dan loa pawisa inlaksakna a thlen nawn fo avangin check gate endikna hi neih a ni. Thuneitute chuan dan loa check gate siam ṭhiat tur hian thuchhuah siam thuai a ni dawn tih an sawi. Department hrang hrang, municipal body leh khaw chhung council-ten check gate an siam pawhin dan siamte an zawm tur a ni tih thuchhuahah chuan an tarlang.

District thuneitu chuan dan zawm loa check gate siam kalpui chhunzawm a theih tawh loh thu leh, endikna neih fo a ni tawh dawn tih a sawi. Dan phal loha check gate siam titawp loa kalpui chhunzawm zel an awm a nih chuan na taka hrem an ni dawn tih a sawi bawk.