Assam : Union Minister-in rural project hawng

Union minister for agriculture and rural development Shivraj Singh Chouhan chuan Thawhṭanni khan Assam-a lo neih leh thingtlang tihhmasawnna tur project eng emaw zat a hawng.

Hawnna inkhawm hi Khanapara-a Jyoti Bishnu Antarjatik Kalamandir-ah neih niin, Union Minister hian Pradhan Mantri Gram Sadak Yojana (PMGSY IV, 2025-26) hnuaiah state tana road project, Rs vbc 1,819 thawhna tur pawmpuina lehkha a hlan bawk. He hunah hian state minister-te leh mi pawimawh dang eng emaw zat an tel.

Chief minister Himanta Biswa Sarma chuan PMGSY IV hnuaia project thawhna tur sorkar laipuiin a pawmsak chu lawmawm a tih thu sawiin, hemi hmang hian kawng km 1,522 a thui leh lei 62 siam a ni dawn a ni, a ti. State chuan thingtlang bialah kawng thar 2,000 dawn a swiam thei dawn tih sawiin, tender pawh buaipui nghal a nih tur thu a sawi.

Union Minister hian Assam Seeds Corporation Limited building sak thar a hawn bakah, mobile application pahnih- Agriculture department tan 'Krishi Sarathi' leh, Panchayat Department tan 'Rural One' a tlangzarh bawk. He hunah hian state-a alu chingtute hamṭhatna atan, sorkar chuan PepsiCo leh SBI-te thawh dunna tur inremna, memorandum of understanding a ziahpui a, Chief Minister's Utkarsh Yojana hnuaiah cheque chu Farmer Producer Organisations (FPOs) 10 hnenah hlan an ni.