Meghalaya : MP Syngkon thih avangin session hun sawn

Meghalaya Legislative Assembly session, nimin February 20-a neih tura ruahman chu Shillong MP Ricky Andrew J Syngkon a thih avangin sawn a ni. House-ah hian MP sunna hun hman a nih hnuah rorel ṭhutkhawm nei zui loin tihtawp a ni.

Syngkon hi Ningania Shillong khaw pawna futsal a khelh laiin nikhaw hre loin a tlu a, private hospital-ah hruai nghal niin zan dar 8:45 velah a thi a ni.

Speaker Thomas A. Sangma chuan, nimin khan sorkar remtihnain Business Advisory Committee (BAC) emergent meeting koh a nih thu leh, hemi ni atana ruahmanna an lo siam tawh chu Parliament member thi ta zahna lantirna atan suspend a ni tih a tarlang. Speaker chuan state budget pharh hun leh Governor Motion of Thanks sawi ho hun chu session calendar siamṭhat a nih hnuah tihdanglam a ni dawn a ni, a ti.

Chief minister Conrad Sangma chuan MP Syngkon a ui thu leh, state tan channa nasa tak a nih thu sawiin, Khasi leh Jaintia Hills mipuite tan hmathlir ropui tak neiin hna a thawk ṭhin a, khawtlang chawikanna tura thawktu ṭha tak niin mi hnuaihnung zawkte pawh a puibawm nasa hle ṭhin tih a sawi.