Manipur : SC-in CBI chu kum 2023-a buaina chhuak report thehlut turin hriattir

Supreme Court chuan Central Bureau of Investigation (CBI) chu kum 2023-a Manipur-a hnam leh hnam inkara buaina chhuak kaihhnawih FIR 11 chhui chianna chu report kar hnih chhunga thehlut turin a hriattir. Bench chuan Manipur High Court emaw, Gauhati High Court emawin thubuaite chu an enfiah chhunzawm thei tih sawiin, counsel chu kar hnih chhunga chhanna pe turin a hriattir bawk.