Assam : Court-in Congress hruaitute a khap

Guwahati-a court chuan Congress party hruaitu Gaurav Gogoi, Bhupesh Baghel leh Jitendra Singh-te chu Chief Minister Himanta Biswa Sarma-a'n an laka Rs vbc 500 defamation case a thehluh chungchangah, CM tihhmingchhiatna dang sawi tawh lo turin a khap.

He thupek hi civil judge (Senior Division) No. 1, Nayanjyoti Sarma chuan a tichhuak a ni. Court chuan Congress hruaitu pathumte chu court-a an inlan hma chu Chief Minister tihhmingchhiatna lam thu thehdarh lo turin a hriattir.

Defamation case hi CM Sarma hian dan phal lohin ram bigha 12,000 a nei nia puh a nih hnuah a thehlut a ni. Chief Minister chuan he an puhna hi thu belhchian dawl lo leh intihhmingchhiat tumna a nih thu sawiin, Congress hruaitute chu an puhna finfiah turin a ngen a, finfiahna an pe thei lo a nih chuan Rs vbc 500 chawi turin a ti bawk. Court chuan thubuai siamsakte inlan hun atan March 9 a ruat a, hearing neih nghal a ni ang.