Meghalaya : Sorkarin Tura-a Holiday Inn Resort sakna tur ram pe

Meghalaya-a Garo Hills-a tourism thuam chakna atan, Tourism department chuan Tura-a Holiday Inn Resort sakna tur ram chu project thawktu tur, InterContinental Hotels Group (IHG) hnenah a hlan.

Public-Private Partnership (PPP) model hnuaia thawh tura InterContinental Hotels Group hnena pek project hmang hian sorkar enkawl, Polo Orchid awmsa chu Tura-a five-star resort-ah siamṭhat a ni ang. He project thawhna atan hian IHC chuan Rs vbc 130 a invest a, Tura leh Garo Hills-a five-star hotel hmasa ber sak a ni dawn a ni.

Kum 2020 hmalam zawng khan state hian five-star hotel a nei lo a, tunah chuan high-end hotel pahnih, Courtyard by Marriott, Shillong leh Vivanta by Taj-te a awm tawh a ni. Premium project pathum dang kalpui tum niin, chung zingah Lemon Tree Hotels, Sohra-a Holiday Inn Resort leh Taj Umiam Resort and Spa siamna a tel.

State economy ṭhanlenna tura project pawimawhna sawilangin, CM Conrad K. Sangma chuan hmasawnna chu ecosystem siam leh sector tina invest a ni, a ti. Project thawh tur chu five-star hotel mai ni loin, Tura, Garo Hills ṭhanlenna tur a nih thu a sawi bawk. Hmalam hun zel atan a pawimawh tih tarlangin, hmathlir ṭha tak tak neih chu mitin mawhphurhna a nih thu a sawi.