Tripura : TSLSA-in Mega Lok Adalat buatsaih dawn

Tripura State Legal Services Authority (TSLSA) chuan, court-a thubuai chinfel loha tihkhawtlai tam tak awmte tihziaawm a nih theihna turin February 14 hian state pumah Mega Lok Adalat a buatsaih dawn.

Thubuai tam tak chinfel a nih theihna turin kumtinin National Lok Adalat vawi li neih a nih ṭhin bakah special Mega Lok Adalat hi neih a ni ṭhin bawk. Mega Lok Adalat hlawhtling taka kalpui a nih theihna atan district leh sub-divisional court zawng zawngah inbuatsaihna zawh fel a ni tawh.

Mega Lok Adalat-ah hian thubuai 23,698 chu bench 28-in chinfel tura buatsaih a ni. Heng thubuai zinga 18,368 chu Motor Vehicles (MV) Act kaihhnawih niin, thubuai 4,503 chu TP Act hnuaiah ngaihtuah tur a ni a, thubuai 207 chu TG Act hnuaiah leh thubuai 620 chu Excise Act hnuaia ngaihtuah an ni ang.

TSLSA member secretary, Jhuma Dutta Chowdhury chuan thubuai tarlan zinga a inhnamhnawihte hnenah hriattirna pek chhuah a nih tawh thu a sawi. Kumin February 9 aṭanga February 13 thleng District Legal Services Authority office-ah Pre-Lok Adalat session neih a nih thu sawiin, hei hian Mega Lok Adalat buatsaih a nih hmaa thubuai awmte chinfel theihna hun remchang a siamsak a ni, a ti.

Chowdhury chuan thubuai neite chu platform hmang ṭangkai turin a ngen a, rang tak leh dan anga sum senso ngai loin an thubuai chingfel turin a ngen bawk. Lok Adalat chu thubuai chinfelna atana sum senso tlem leh ṭangkai tak a nih thu a sawi bawk a ni.